ياموت اجيتك من وكت باسم الكربلائي لحن وليدي الكمر مكتوبه حصري 2016

استعرض الموضوع السابق استعرض الموضوع التالي اذهب الى الأسفل

ياموت اجيتك من وكت باسم الكربلائي لحن وليدي الكمر مكتوبه حصري 2016

مُساهمة من طرف مرتضى الصافي في الأحد أبريل 10, 2016 3:30 am




ياموت إجيتك مكتوبة
ايهاب المالكي
باسم الكربلائي
حسينية امير المؤمنين ع ايران طهران
يوم 1 جمادي الثاني 1437هـ
ياموت إجيتك من وكَت
وأعذرني خاف إتأخرت
لجروحي كلما التفت .. واتوادع وي ما حِرت
من عكَب ابويه اتأملت
لو طَول إغيابه ... يتجازه ابحبابه ... مو يندفع بابه
ياموت منك ماخِفت
بس انه مجروحة ...والـ ينسمع نوحه ...احلامه مذبوحة
الدنيا كل هذا العمر
ما دخلت ابعيني ... شتظنها تعنيني ... من خلصت اسنيني
عن قصتي طول الشرح .. واثمنتعش عمر الجرح
للفركَة من اتحضرت ...اتوادع وي ما حرت
*****
الام اذا عافت طفل
جفها يظل خالي ... وانا انشغل بالي ... يا موت بـ اطفالي
بس لا طفل غافي وصحَه
مو يمه يلكَاني ... مو سهله تنساني ... ضل كَاعد امتاني
ياهو الـ يغطي لو بُرد
ياهو الـ يضمه ... من نومه اتحرمه ... من ما يشوف امه
للأطفال يا موت ارد اصد .. خل نشوفنهم وَ أرد
تدري لمن سافرت ... واتوادع وي ما حِرت
*****
تمطر عله اتراب الكَبر
دمعات أحس بيها ... ما عارف راعيها ... ياهو الـ باجيها
واسئل منو فوك الكَبر
ياهوه خطاري ... والـ يبجي ويداري .. والـ يعرف ابناري
خُطار احس ابوّنة
من بَجت موته ... وابعبرة اسكوته ... ما فَرزنت صوته
بإذن اللحد يهمس الي .. يا فاطمة انه العلي
بس ما سمعني اتحسَرت ... واتوادع وي ما حِرت
*****
شـخبار بيتي لا اعرف
وي فركَتي اشلونه ... كَدروا يصبرونه ... عن دمعته اعيونه
عند اهلي هَم بعده الحزن
يبتدي من غُبشه ... الـ وادعو نعشهَ ... عِدهم ترك وحشه
عزات من اتجَمعَوا
يا موت ذكروني ... مو سهله ينسوني ... لو كَدروا ابدوني
بلكَت نسوا طعم الحزن ... يا موت اريد انا أطمئن
اعزاز ابفكَدهم دَمعت ... واتوادع وي ما حِرت
*****
انا احمد الله من رحت
ما خدت حكَ واحد ... حكَي خد الحاقد ... الله عليه شاهد
واستحملت كسر الضلع
والباب والعصرة ... لجل النبي وامره ... اتحمل السطره
انا الي ما كلت لعلي
بالحسرة والهضمة ... ماكَتله عن خصمة ... من خوفي عالامة
ماردت ونّي ينسمع ... ولا يعرف ابكسر ضلع
وبالالام روحي اتصبرت ... واتوادع وي ما حِرت
*****
امنية يا موتي وردت
لولا درت الليله ... واحد اناغيله ... وثاني لوليله
ما ادري منو اتسد خلتي
واتحقق امنيتي ... وتحامي ذريتي ... من تدخل لبيتي
عندي أمل لمن تجي
وتحقق امرادي ... اتذكر ابعادي .. والـ تحفظ اولادي
متأكده وعندي علم ... نتشابه ابنفس الاسم
مطئمنة لكن من رحت ... واتوادع وي ما حِرت
*****
ثأر التراب الـ بالكبر
ارحم لي من عمري ... بي اخرة صبري ... بي جنتي وستري
بنيان ما بيه تندفع
او واحد ايحركَه ... صاح هلا ابملكَة ... ويقدر الرفكَه
اتراب ويخاطبني ابأذب
لو شاف دمعاتي ... ويكَلي مولاتي ... تفداج ذراتي
من سولفت هل اشكثر ... دمع التراب الي بالكبر
هل دمع عينه من كَلت ... واتوادع وي ما حِرت

مرتضى الصافي
Admin

عدد المساهمات : 125
تاريخ التسجيل : 09/04/2016
العمر : 21
الموقع : قناة فضول

معاينة صفحة البيانات الشخصي للعضو http://3ask3.ba7r.biz

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى